ÍSTARF21 · Stig 4 · starfaflokkur
raftæknigreinum) ót.a.s. Undir þennan starfaflokk falla sérfræðistörf í verkfræði sem ekki eru flokkuð annars staðar í klasa 214: Sérfræðistörf í verkfræði (að undanskildum raftæknigreinum), eða í klasa 215: Sérfræðistörf í verkfræði innan raftæknigreina. Störf í þessum flokki felast meðal annars í að sinna greiningum, veita ráðgjöf eða þróa verklag.
ISCO 2149
Efnisverkfræðingar rannsaka og hanna ný eða betrumbætt efni fyrir fjölbreytta notkun. Þeir greina samsetningu efna, gera tilraunir og þróa ný efni í sértækum iðnaði sem getur verið allt frá gúmmíi til textílefnis, glers, málma og íðefna. Þeir veita ráðgjöf við mat á tjóni, gæðatryggingar og endurvinnslu efna.
ISCO 2149
Eftirlitsmenn aðfanga bera ábyrgð á allri kostnaðarstjórnun við smíði og byggingu verkefnis frá upphafi til afhendingar þess. Þeir keppa að því að nýta úrræði með skilvirkum hætti jafnframt því að hafa eftirlit með gæðum, gæðakröfum og kröfum viðskiptavinar.
ISCO 2149
Eldvarnarverkfræðingar kanna, hanna og þróa nýstárlegar lausnir sem miða að því að koma í veg fyrir eld og vernda fólk á náttúrusvæðum og á borgarsvæðum. Þeir leggja til viðeigandi efni, sem eru ætluð til byggingar, fatnaðar eða annarrar notkunar og þau hönnunarkerfi sem miða að því að koma í veg fyrir bruna eða útbreiðslu þess.
ISCO 2149
Heilsu og öryggisverkfræðingar hanna hluti og forrit með því að sameina meginreglur í verkfræði og heilsu- og öryggiskröfur. Þeir sjá fyrir sér vernd og vellíðan fólks sem notar þá hluti sem eru hannaðir eða starfa í tengslum við hannaðar heilbrigðis- og öryggisáætlanir. Þeir meta aðstöðu og áhættu sem henni fylgir (t.d. aðskotaefni, vinnuvistfræði, meðhöndlun hættulegra efna o.s.frv.) til að hanna og bæta heilbrigðis- og öryggisráðstafanir.
ISCO 2149
Hljómburðarverkfræðingar rannsaka og beita hljóðvísindum til ýmissa nota. Þeir vinna á ýmsum sviðum, t.d. við ráðgjöf um hljómburð og þá þætti sem hafa áhrif á flutning hljóðs í listflutningi eða upptökum. Þeir geta einnig haft samráð um hávaðastig vegna þeirrar starfsemi sem krefjast þess að farið sé að viðkomandi stöðlum.
ISCO 2149
Hönnunarverkfræðingar þróa nýja hugtaka- og nákvæmnishönnun. Þeir skapa útlit þessara hugmynda eða vara og kerfin sem notuð eru til að búa þau til. Hönnunarverkfræðingar starfa með verkfræðingum og markaðsfræðingum til að auka virkni og skilvirkni búnaðar sem fyrir er.
ISCO 2149
Jarðvarmaverkfræðingar rannsaka, hanna, skipuleggja og stýra ferlum og búnaði sem breyta varmaorku í rafmagn eða hitun eða kælingu. Þeir nýta náttúrulega varmaorkugjafa úr jörðinni til að framleiða orku, til að kæla iðnaðar-, verslunar- og íbúðarhúsnæði á sumrin og hita á vetrum. Jarðvarmaverkfræðingar þróa áætlanir til að ná fram skilvirkari orkuframleiðslu og greina afleiðingar orkuvinnslunnar á umhverfið.
ISCO 2149
Kjarnorkuverkfræðingar hanna og skipuleggja verkfræðibúnað og ferli í kjarnorkuverum og svæðum sem tengjast þeim. Þeir taka þátt í verkfræðistarfsemi sem varðar kjarnorkuver og þróa áhættulausnir.
ISCO 2149
Ljóseindaverkfræðingar annast framleiðslu, flutning, ummyndun og greiningu ljóss. Þeir gera rannsóknir, hanna, setja saman, prófa og nýta íhluti eða kerfi á mörgum sviðum, allt frá sjónrænum samskiptum til lækningatækja, efnisvinnslu eða skynjaratækni.
ISCO 2149
Ljósfræðiverkfræðingar hanna og þróa ólíka iðnnotkun með ljóskerfum. Þeir búa yfir þekkingu á ljósi, meginreglum ljósflutnings og ljóskerfa til að móta hönnun tækja á borð við smásjár, linsur, sjónauka og önnur sjóntæki.
ISCO 2149
Líftækniverkfræðingar samræma þekkingu á verkfræðilögmálum og líffræðilegum niðurstöðum í því skyni að þróa læknismeðferð, lyf og til almennrar heilbrigðisþjónustu. Þeir geta þróað lausnir allt frá endurbótum á efnisþáttum hefðbundinna lyfja til ígræðsluþróunar og vefjameðferðar.
ISCO 2149
Líftækniverkfræðingar sameina nýjustu og fullkomnustu tækni á sviði líffræði með verkfræðirökum til að þróa lausnir sem miða að því að efla velferð samfélagsins. Þeir geta þróað kerfi til úrbóta fyrir nýtingu náttúruauðlinda, landbúnað, matvælaframleiðslu, breytingu á erfðaefni og notkun í efnahagslegu tilliti.
ISCO 2149
Nanóverkfræðingar sameina vísindalega þekkingu á frumeinda- og sameindaögnum við tæknilegar meginreglur um notkun á ýmsum sviðum. Þeir beita niðurstöðum í efnafræði, líffræði, efnaverkfræði o.s.frv. Þeir nota tækniþekkingu til að bæta notkun sem þegar er fyrir hendi eða til að skapa örhluti.
ISCO 2149
Niðurtökuverkfræðingar rannsaka og skipuleggja bestu leiðirnar til að taka í sundur iðnbúnað, vélar og byggingar sem hafa lokið líftíma sínum. Þeir greina þá vinnu sem þörf er á og skipuleggja ýmsar aðgerðir. Þeir útvega hópstjórum leiðbeiningar og leiðbeina þeim við störf sín.
ISCO 2149
Nýsköpunarverkfræðingar taka þátt í áætlanagerð, skipulagningu og framkvæmd nýsköpunarverkefna. Þau hanna og þróa nýjar vörur og frumgerðir sem fela í sér tækni, hagræðingu og sjálfvirkniferli sem hvetja til nýsköpunarvaxtar innan starfseminnar. Nýsköpunarverkfræðingar greina hugsanlega þróunarmöguleika, einkaleyfistækifæri, nýsköpunarhneigð og þarfir viðskiptavina.
ISCO 2149
Orkukerfaverkfræðingar hafa umsjón með orkuumbreytingu og dreifingarferlum. Þeir greina orkubirgðir og neyslunýtni og þróa nýjar aðferðir til að bæta núverandi ferla, að teknu tilliti til tækni- og fjárhagsþátta. Þeir rannsaka einnig umhverfisáhrif af notkun orku og sameina framleiðslu endurnýjanlegrar orku í núverandi orkukerfum.
ISCO 2149
Orkuverkfræðingar hanna nýjar, skilvirkar og hreinar leiðir til að framleiða, breyta og dreifa orku til að auka umhverfislega sjálfbærni og orkunýtni. Þeir ná orku úr náttúruauðlindum, svo sem olíu eða gasi, eða endurnýjanlegum og sjálfbærum uppsprettum, á borð við vind- eða sólarorku.
ISCO 2149
Prófunarverkfræðingar skipuleggja og annast ítarlegar gæðaprófanir á ýmsum stigum hönnunarferlisins til að ganga úr skugga um að kerfin séu rétt sett upp og starfi rétt. Þeir greina gögn sem aflað hefur verið meðan á prófunum stendur og leggja fram skýrslur. Þeir bera einnig ábyrgð á öryggi prófunarstarfseminnar.
ISCO 2149
Rannsakendur textíls, leðurs og fótabúnaðar sameina þekkingu á efnisvísindum, efnafræði, eðlisfræði, vinnslutækni, stjórnun og verkfræði í því skyni að stuðla að framtíðarnýjungum á textílsviði, fatnaði, leðri og skófatnaði. Þeir eiga samstarf í þverfaglegum verkefnum til þess að sameina niðurstöður ýmissa vísindasviða fyrir vöruþróun.
ISCO 2149
Rannsóknarverkfræðingar sameina rannsóknarfærni og þekkingu á grundvallaratriðum verkfræðinnar til að að aðstoða við þróun eða hönnun á nýjum vörum og tækni. Þeir gera einnig endurbætur á tækniaðferðum sem þegar eru fyrir hendi, sem og vélum og kerfum og skapa nýja tækni. Skyldur rannsóknarverkfræðinga eru háðar verkfræðigreininni og iðnaðinum sem þeir vinna í. Rannsóknarverkfræðingar vinna yfirleitt á skrifstofu eða rannsóknarstofu við að greina verkferli og framkvæma tilraunir.
ISCO 2149
Reikniverkfræðingar draga ályktanir um raunveruleg kerfi, s.s. að því er varðar styrk, stöðugleika og endingu, með aðferðum sem eru gerðar á sýndarlíkönum. Þeir prófa einnig vinnsluferli.
ISCO 2149
Ráðgjafar vegna einkaleyfa veita fyrirtækjum ráðgjöf varðandi ýmsa þætti hugverkaréttarlaga. Þeir greina uppfinningar og rannsóknir á efnahagslegum möguleikum þeirra. Þeir hafa eftirlit með því hvort réttindi varðandi einkaleyfi hafi þegar verið gefin út um uppfinningu og sjá til þess að þau hafi ekki orðið fyrir áhrifum og ekki hafi verið brotið gegn þessum réttindum..
ISCO 2149
Samhæfingarverkfræðingar stefna að því að halda sem mestu samræmi við verkfræðiforskriftir. Þeir geta haft eftirlit með því að farið sé að tilskildum ákvæðum á fjölbreyttum sviðum, þ.m.t. véla-, raf- og rafeindatæknikerfum. Þeir tryggja að verkfræðin sé í samræmi við reglur, öryggisráðstafanir og innri tilskipanir.
ISCO 2149
Samningaverkfræðingar sameina tækniþekkingu á samningum og lagalegum málefnum með skilningi á verkfræðiforskriftum og meginreglum. Þeir tryggja að báðir aðilar séu samstíga við þróun verkefnis og sjá til þess að allar tæknilegar forskriftir og efnisþættir séu eins og skilgreint er í samningum.
ISCO 2149
Gæðaverkfræðingar skilgreina gæðastaðla í sköpun vöru eða þjónustu. Þeir gera athuganir á því hvort vörur og þjónusta séu í samræmi við gæðastaðla og samræmi gæðaframfarir.
ISCO 2149
Sérfræðingar í sjálfvirkum akstri hanna og hafa umsjón með starfsemi sjálfstýrðra ökutækja. Þeir safna gögnum um frammistöðu kerfa, gera prófanir á ökutækjunum og greina prófunargögn. Sérfræðingar í sjálfvirkum akstri kunna skil á mismunandi tækni sem notuð er í sjálfstýrðum bílum, bílkerfum og bíltækni.
ISCO 2149
Áreiðanleikaverðir tryggja að framleiðsluferli eða -kerfi sé áreiðanlegt, tiltækt og að unnt sé að sinna viðhaldi. Störf þeirra beinast að því að bæta getu til starfsemi án hléa og þegar þörf er á, og að gera auðveldara að gera við, skipta út eða uppfæra vöruna.
ISCO 2149
Orkuverkfræðingar í endurnýjanlegri orku rannsaka aðra kosti í orkumálum til að hanna kerfi sem framleiða endurnýjanlega orku. Þeir leitast við að hámarka orkuframleiðslu með endurnýjanlegum orkugjöfum og minnka framleiðslukostnað og álag á umhverfið. Þeir hanna kerfi þar sem lögð er áhersla á sjálfbærni og skilvirkni orku.
ISCO 2149
Sólarorkuverkfræðingar hanna kerfi sem nýta sólarorku til raforkuframleiðslu, svo sem ljósraforkukerfi. Þeir hanna og byggja kerfi sem hámarka orkunýtingu úr sólarorku og sjálfbærni framleiðsluferlisins fyrir búnað sem nýtir sólarorku.
ISCO 2149
Tækniverkfræðingar meðhöndla tæknilegar kröfur, stjórnun og hönnun til að þróa ýmis verkfræðibúnað, t.d. kerfi, nýja vöruhönnun eða umbætur á ferlum. Þeir bera ábyrgð á að innleiðingu hönnunar eða endurbóta á ferlinu, veita tæknilegan stuðning við framleiðsluvörur, svör við spurningum um tæknilega virkni og aðstoða söluhópinn.
ISCO 2149
Varmaverkfræðingar hanna kerfi sem veita hitun eða kælingu með varmafræði sem flytja varma eða orku í gegnum vökva og lofttegundir. Þeir smíða einnig þessi kerfi og framkvæma prófanir til að tryggja rétta virkni.
ISCO 2149
Verkfræðingar við uppsetningu kerfa hafa umsjón með og stjórna uppsetningu mannvirkja sem eru oft mörg ár í hönnun og uppbyggingu. Þeir tryggja öryggi, forðast áhættu og miða að því að halda kostnaði í lágmarki. Verkfræðingar við uppsetningu kerfa búa einnig til byggingarhönnun kerfa og annast prófun á uppsetningarkerfum. Þeir ákvarða það efni sem þarf til að smíða þessi kerfi og kostnað og nota hugbúnað tölvuhönnunarforrit (CAD) til að hanna þessi kerfi.
ISCO 2149
Verkfræðingar á sviði endurnýjanlegrar orku undan ströndum hanna og hafa eftirlit með uppsetningu orkubúa og búnaðar á hafi úti. Þeir kanna og prófa staðsetningar til þess að finna ákjósanlegasta staðinn með tilliti til afkasta, sjá um að framkvæmd hönnunaráætluninnar takist sem skyldi og gera breytingar ef þörf krefur eða veita markmiðaða ráðgjöf. Verkfræðingar á sviði endurnýjanlegrar orku undan ströndum sjá um prófun búnaðar, svo sem blaða á vindhverflum og rafala fyrir sjávarfallastrauma og öldur. Þeir þróa leiðir til skilvirkari orkuframleiðslu og umhverfislegrar sjálfbærni.
ISCO 2149
Verkfræðingar á sviði óhefðbundins eldsneytis hanna og þróa kerfi, íhluta, hreyfla og búnað sem nýta endurnýjanlega orku og óhefðbundið eldsneyti, í stað notkunar á hefðbundnu jarðefnaeldsneyti sem aðal orkugjafa til knúnings og orkuframleiðslu. Þeir leitast við að hámarka orkuframleiðslu úr endurnýjanlegum orkugjöfum og draga úr framleiðslukostnaði og álagi á umhverfið. Óhefðbundið eldsneyti sem notað er í þessu sambandi er einkum fljótandi jarðgas (LNG), fljótandi jarðolíugas (LPG), lífdísilolía, lífalkóhól og rafmagn (þ.e. rafhlöður og efnarafalar), vetni og eldsneyti úr lífmassa.
ISCO 2149
Verkfræðingar í flugvallarkerfum hafa umsjón með því að viðhalda búnaði flugvallarins, t.d. sjónrænum leiðsögutækjum, rafkerfum flugvalla, farangurskerfum, öryggiskerfum, gangstéttum, frárennsli, viðhaldi á svæðum sem ekki eru lögð slitlagi og búnaði og ökutækjum.
ISCO 2149
Verkfræðingar á sviði vindorkuvinnslu á landi sjá um hönnun, uppsetningu og viðhald á vindorkubúum og -búnaði. Þeir rannsaka og prófa staðsetningar til að finna þá sem gefur mest afköst, prófa búnað og einingar, svo sem vindhverflablöð, og þróa áætlanir sem miða að skilvirkari orkuframleiðslu og umhverfislegri sjálfbærni.
ISCO 2149
Viðartækniverkfræðingar þróa efni og íhluti úr viði, smíða framleiðslustöðvar og stjórna og hafa eftirlit með framleiðslunni. Þeir rannsaka einnig vörur og efni og veita viðskiptavinum ráðgjöf.
ISCO 2149
Vélahlutatæknifræðingar hanna og sjá fyrir sér verkfræðiþróun ólíkra smárra hluta sem mynda stærra verk, vél eða ferli. Þeir tryggja að hlutar séu ekki ósamrýmanlegir frá verkfræðisjónarhorni.
ISCO 2149
Vélmennaverkfræðingar hanna og þróa þjarkabúnað og forrit í samstarfi við meginreglur í vélaverkfræði. Þeir nota fyrirframákveðna hönnun og núverandi þróun til umbóta eða uppfinningar á kerfum, vélum og búnaði. Þeir sameina ýmis þekkingarsvið svo sem forritun, verkfræðistarfsemi og rafeindatækni í þróun nýs tæknihugbúnaðar.
ISCO 2149
Vörustjórnunarverkfræðingar hanna og innleiða kerfi sem miða að því að ná sem mestu út úr þeim tíma og fyrirhöfn sem notuð eru í flutningsstarfsemi. Þeir tryggja að kerfin stuðli að því að hægt sé að fylgjast með og samskipti gangi vel í gegnum allar flutningsaðferðir og stig flutninga.
ISCO 2149
Úttektarverkfræðingar hafa umsjón með lokaáföngum verkefnis þegar kerfi eru sett upp og prófuð. Þeir hafa eftirlit með því að búnaður, aðstaða og stöðvar starfi rétt og tryggja að kröfur og forskriftir séu uppfylltar. Þeir framkvæma nauðsynlegar sannprófanir og veita samþykki til að ljúka verkefninu.
ESCO flokkar hæfni sem dæmigerða eða viðbótar fyrir starfsheiti. Einstakir starfsmenn hafa yfirleitt hluta af listanum — sniðinn að sérhæfingu og vinnuveitanda.
Dæmigerð (200)
Aðgangur um API